Плач Богородицы.

Стояше днесь при Кресте, Пречистая Дево,
Умиленный плач сподвизаше, сладчайший глас испущаше.
О свете пресветлый, Заря присносущная,
Где Твоя зайде красота, светолучная невечерняя,
Добровидный Сыне Мой, сладчайшая доброта,
Где Твой вожделенный лица, зрак, краснейший свете Мой.
О Божия мудросте, церковная сладосте,
Что се вижу зде, преславное видение ужасное.
О Свете великий, сладчайший Иисусе,
Где твоя доброта сокрыся, возлюбленный Сыне Мой.
Увы мне Свете Мой, дражайшая доброта,
Како Тя узрю Христе царю, на Кресте Тя распинаема.
О сожитие пресветлое, скрый ныне лучи Своя,
Виде своего Создателя, неправедно зде ныне страждуща.
О Иосифе преблаженне, сними тело Иисусово,
Положи Е в гробе нове, изсечене из камене.
Где Твой зрак пресладкий, сладчайшая доброта,
Како погребу Тя Сыне мой, безсмертнаго и предвечнаго.
Не рыдай мене Моя Мати, восстану бо из гроба,
Тебе вознесу со славою, превыше всех горних и земных.
Воскресни Боже Сыне мой, тридневно от гроба,
Взыди к Отцу на небеса, судя и концем всей земли.
Тогда Тебе всяка тварь, небесных и земных,
Поклонится и прославит, Царя веком и Зиждителя.


Икона " Богоматерь Не рыдай Мене, Мати". Иконография названа по первым словам канона утрени Великой субботы: «Не рыдай Мене, Мати, зряще во гробе, Его же во чреве без семени зачала еси Сына: возстану бо и прославлюся и вознесу со славою, непрестанно яко Бог, верою и любовию Тя величающия».
#Екатерининскийхрам #ВеликийПост2018скачать dle 11.1смотреть фильмы бесплатно